Gjatë ndeshjes mes Barcelonës së Ekuadorit dhe Corinthians në raundin e tretë të Copa Libertadores, trajneri i vendasve, Segundo Alejandro Castillo, tërhoqi vëmendjen me kostumin e tij elegant të bardhë.
Stili i tij ishte aq i mahnitshëm sa që llogaria zyrtare e Copa Libertadores në rrjetet sociale ndau foton e tij duke lënë edhe një përshkrim.
“Luks? Stili i Segundo Castillo, trajner i Barcelonës SC: ja si duket një ndeshje e Libertadores”, shkruan në faqen e Copa Libertadores.
Castillo është i njohur për deklaratën e tij të veçantë të modës dhe shfaqja e tij me një kostum të bardhë theksoi më tej praninë e tij në stol gjatë kësaj ndeshjeje të rëndësishme.
Sa i përket vetë ndeshjes, Barcelona SC arriti një fitore mbresëlënëse 3-0 ndaj Corinthians, duke hedhur një hap të madh drejt kualifikimit në fazën e grupeve të Copa Libertadores.
Ndryshe, ndeshja kthyese mes dy ekipeve zhvillohet pas një jave apo më saktë me datë 13 mars. /Telegrafi/
