LSDM-ja përsëri po shpërndan gënjeshtra dhe të pavërteta.
Punonjësit e Inspektoratit Shtetëror të Punës nuk kanë arsye për shqetësim!
Sipas ndryshimeve dhe plotësimeve të Ligjit për Mbikëqyrjen Inspektuese, ministritë janë të detyruara që, brenda një afati prej tre muajsh nga hyrja në fuqi e ligjit, të marrin përsipër të drejtat dhe detyrimet për administrimin e inspektorateve.
Gjithashtu, në përputhje me nenin 8 të Ligjit për Ndryshimin dhe Plotësimin e Ligjit për Mbikëqyrjen Inspektuese (“Gazeta Zyrtare e Republikës së Maqedonisë së Veriut” nr. 22/25), punonjësit e Inspektoratit Shtetëror të Punës do të kalojnë në ministritë përkatëse ku do të vazhdojnë detyrat e tyre. Në këtë rast, të gjithë punonjësit e Inspektoratit Shtetëror të Punës, në bazë të Vendimit për transferimin e punonjësve sipas ligjit, janë çregjistruar më 28 shkurt 2025 dhe do të regjistrohen si të punësuar në Ministrinë e Ekonomisë dhe Punës më 1 mars 2025. Pra, nuk do të ketë ndërprerje të marrëdhënies së punës dhe as nuk do të krijohet një situatë e tillë.
Duke qenë se bëhet fjalë për një numër të madh punonjësish dhe se procesi i çregjistrimit dhe regjistrimit duhet të kryhet sipas qyteteve, është e nevojshme një kohë e caktuar për përpunimin e të dhënave. Të gjitha informacionet e nevojshme, përfshirë çregjistrimet dhe regjistrimet, janë dorëzuar në Agjencinë e Punësimit, dhe tashmë ka filluar procesi i çregjistrimit, i ndjekur nga regjistrimi individual për secilin punonjës.
Punonjësve të Inspektoratit Shtetëror të Punës sot u janë paguar pagat për muajin janar 2025, ndërsa paga për muajin shkurt do të transferohet brenda afatit ligjor, deri më 15 mars.
