Spanjolli Karlos Alkaraz ka refuzuar të komentojë vendimin për të pezulluar për tre muaj italianin Janik Siner, i cili ka arritur marrëveshje me Agjencinë Antidoping “WADA” dhe do të mungojë për 90 ditët e ardhshme.
Alkaraz është një nga rivalët kryesorë të Sinner-it, ndaj gazetarëve u interesuan se çfarë mendonte ai për këtë situatë, por i riu spanjoll tha hapur se nuk ishte aspak i interesuar dhe po fokusohej vetëm tek performancat e tij.
Siner do të jetë jashtë fushës për tre muajt e ardhshëm, por nuk ka gjasa që rivalët e tij më të mëdhenj (Alkaraz dhe Zverev) të mund ta rrëzojnë atë në kreun e listës së ATP-së.
